41 MILF OFFICIALS, KABILANG SI BIAF CHIEF OF STAFF ABDULRAOF “SAMMY GAMBAR” MACACUA, PERMANENTENG INALIS SA KANILANG MGA POSISYON
PERMANENTENG inalis sa kanilang mga opisyal na posisyon sa MILF at BIAF ang 41 opisyal at miyembro, kabilang si BIAF Chief of Staff Abdulraof “Sammy Gambar” Macacua, at inatasang i-turn over ang lahat ng kagamitan, dokumento at impormasyong may kaugnayan sa kanilang dating mga tungkulin.
Inianunsyo ang hakbang kasabay ng Grand General Assembly ng BIAF at BIWAB sa Camp Darapanan, batay sa memorandum order na nilagdaan ni MILF Central Committee Chairman Alhaj Murad Ebrahim noong Setyembre 3, 2026.
Ipinatupad ito alinsunod sa policy statement ng MILF Central Committee noong Abril 15, 2026, na nagsasaad na ang sinumang opisyal o miyembro ng MILF na opisyal na sasali, magiging miyembro, opisyal o kandidato ng partidong pulitikal maliban sa United Bangsamoro Justice Party (UBJP) ay ituturing na naka-indefinite leave.
Ayon sa memorandum, binigyan ng pagkakataon ang mga apektadong indibidwal na magsumite ng makatwirang written explanation sa MILF Central Committee. Gayunman, sa loob ng humigit-kumulang apat at kalahating buwan, iisa lamang ang nakapagsumite ng paliwanag.
Dahil dito, ipinatupad ang permanenteng pagkakaalis sa kanilang mga posisyon.
Kabilang sa 41 apektado ang mga sumusunod:
- Abdulraof “Sammy Gambar” Macacua – Chief of Staff, BIAF
- Toks Brahim – J1
- Von Alhaq Maslamama– J2
- Tomanda Antok – General Staff
- Butch Malang – MILF CCCH Chair
- Gordon Saipula – Front Commander
- Bobby Amairut – Base Commander
- George Kasim – Field Guard/Base Commander
- Mohammad Dimacincil – Deputy on Expeditions
- Kamarudin Salendab – Deputy in Guerrilla
- Kasmer Castro Mohammad – Focal Person, JPST/Base Commander 104th
- Tahir Gawang – Deputy on Expedition
- Solaiman Batunan – Deputy on Guerrilla
- Mohiddin Usman – Base Commander
- Haji Fahad Sapal – Deputy on Guerrilla
- Abdullaziz Bruce Antao – Base Commander
- Basit Abedin – Deputy on Inner Defense
- Haji Abdullah Mangacop – Deputy on Guerrilla
- Haji Abdulbayan Abas – Base Commander
- Ediie Dilangalen – Deputy on Guerrilla
- Kasan Sabi – Deputy on Expedition
- Dema Pedtemanan – Deputy on Inner Defense
- Ustad Haud P. Limaya – Deputy on Inner Defense
- Abas Salong – Deputy in Guerrilla
- Norhasan Panolong – Base Commander
- Amrodin Balindong – Deputy on Guerrilla
- Haji Abdulwahid Tundok – Base Commander
- Haji Maute – Deputy on Guerrilla
- Abu Nu’man – Base Commander
- Akreem Makatuong – Base Commander
- Yasser Abdulkadir – Base Commander
- Faisal Sali – Deputy on Inner Defense
- Ustads Abdullah Malok – Deputy on Guerrilla
- Abdulmaula Gandawali – Department Head
- Muslima A. Guiapal – Brigade Commander, BIWAB
- Alliya A. Salik – 106th Battalion Commander, BIWAB
- Mona Kasan – 128th Battalion Commander, BIWAB
- Rohana A. Angkad – 105th Battalion, BIWAB
- Nor-An Alamada – JHQ Battalion Commander, BIWAB
- Robina Kadir – Under HQ Battalion Commander
- Haji Dan Asnawi Basilan – 114th
Inatasan ng MILF ang lahat ng apektadong indibidwal na maayos na i-turn over ang lahat ng kagamitan, dokumento at impormasyong may kaugnayan sa kanilang mga dating posisyon para sa patuloy at episyenteng operasyon ng MILF at BIAF. | via Mindanao Expose News
